ಬಸವರಾಜು ಅವರು ಮೈಸೂರಿನ ಬಸವ ಮಾರ್ಗ ಕೇಂದ್ರದಲ್ಲಿ ಇದುವರೆಗೂ 45 ಶಿಬಿರಗಳನ್ನು ಉಚಿತವಾಗಿ ಆಯೋಜಿಸಿ ಯಶಸ್ಸು ಕಂಡಿದ್ದಾರೆ. 6-7 ಸಾವಿರ ನಾನಾ ರೀತಿಯ ವ್ಯಸನಿಗಳು ಬಸವಮಾರ್ಗ ಸಂಸ್ಥೆಯ ಲಾಭ ಪಡೆದಿದ್ದಾರೆ.

ಈ ರೀತಿಯ ಕೇಂದ್ರಗಳನ್ನು ಪ್ರತಿ ಜಿಲ್ಲಾ ಕೇಂದ್ರಗಳಲ್ಲಿಯೂ ತೆರೆದು ವ್ಯಸನಗಳಿಗೆ ದಾಸರಾದವರನ್ನು ಅದರಿಂದ ಹೊರ ತರಬೇಕು ಎನ್ನುವ ಮಹತ್ತರವಾದ ಗುರಿಯನ್ನು ಬಸವರಾಜು ಅವರು ಇಟ್ಟುಕೊಂಡಿದ್ದಾರೆ.

ಇವರ ಈ ಕಾರ್ಯಕ್ಕೆ ಸುತ್ತೂರಿನ ಶ್ರಿ ಶಿವರಾತ್ರಿ ದೇಶಿಕೇಂದ್ರ ಸ್ವಾಮೀಜಿ, ಆದಿ ಚುಂಚನಗಿರಿಯ ಶ್ರೀ ನಿರ್ಮಾಲನಂದನಾಥ ಸ್ವಾಮೀಜಿ, ತುಮಕೂರಿನ ಶ್ರೀ ಸಿದ್ಧೇಶ್ವರ ಸ್ವಾಮೀಜಿ, ಇಳಕಲ್ ಮಠದ ಮಹಾಂತ ಶ್ರೀಗಳು ಸೇರಿ ಸಚಿವರು, ಶಾಸಕರು, ಸಮಾಜದ ಗಣ್ಯ ವ್ಯಕ್ತಿಗಳು ಬೆಂಬಲ ವ್ಯಕ್ತಪಡಿಸಿ ಪ್ರಶಂಸೆ ನೀಡಿದ್ದಾರೆ.. ಇವರ ಎಲ್ಲ ಬಗೆಯ ಸೇವಾ ಕಾರ್ಯಗಳಿಗೆ ಕುಟುಂಬಸ್ಥರು ಬೆಂಬಲವಾಗಿ ನಿಂತಿದ್ದಾರೆ.